البرغوثي: أقترح إيقاف كل الاعتمادات وإعطاء كل مواطن 7 آلاف دولار بسعر 7 دنانير
اقترح الخبير الاقتصادي، محمد البرغوثي، إيقاف كل الاعتمادات وإعطاء كل مواطن 7 آلاف دولار بسعر 7 دنانير.
وقال البرغوثي في تصريحات لـ«صدى الاقتصادية»: “ماذا لو تم إيقاف كل الاعتمادات المستندية، وإعطاء 7000 دولار لكل مواطن فوق 18 سنة بسعر 7؟، المواطن يقدر يبيع دولاراته لشركات الصرافة والمصارف التجارية، والتاجر اللي يبي اعتماد يقدر ياخذه من الدولارات اللي اشترتها المصارف التجارية من المواطنين”.
وأضاف “بذلك تكون كل التحويلات قانونية من المصارف المحلية إلى المصارف في الدولة اللي بيستورد منها التاجر، وحتى ما يكونش في مصلحة لأي حد يبيع الدولار في السوق الموازي، وكل مواطن حيبيع دولاراته لشركات الصرافة أو المصارف التجارية لأن الطلب الكبير في هاتين الجهتين”.
وتابع “أهم شيء المواطن اللي ما يقدرش يدفع مقابل 7000 دولار، تقعد حصته (يقدر يحجزهم أو يشتريهم ويبقوا باسمه لعند يقدر يشريهم)، مقترح بسيط وبدائي ويبي تطوير وتحسين، لأن أكيد حيكون فيه خلل أو جانب غايب عني، لذلك مشاركتكم في تطويره مهمة، كمواطنين وتجار ومضاربين ومتحوطين ومسؤولين (المسؤولين يخشوا لصفحتي أكثر من الماسنجر عندهم)”.
