باني: من واجب جماعة السلطة إنصاف هذا الشعب الغلبان بعد أن شبعوا
قال الإعلامي عطية باني، إن “من واجب جماعة السلطة إنصاف هذا الشعب الغلبان بعد أن شبعوا”.
وأضاف في منشور على فيسبوك، أن “الليبيون تحملوا واجد زمان واليوم بزايد تقشف حصار وكانوا ايسايروا متحملين وساكتين ويقولوا توا الأمور تصلح وصلحت شويه ، وعدا كل شي في حاله”.
وتابع؛ “وجت فبراير والناس يحسابوا بتبحبح حكايتهم وأقل مرتب خمسة آلاف دولار طلع الموضوع فالصوا واللي استفادوا مجموعة صغيرة استولت على كل شي، وباقي الليبيين قاعدين في النكد وزيدها التهجير والسيولة والكهرباء والحروب والغلاء يعني عيشة سودة”.
وأردف؛ “أليس الآن من واجب جماعة السلطة واللي في يدهم القرار أن ينصفوا هذا الشعب الغلبان بعد ماهم شبعوا
مافيش واحد ذكر يقول لازم مكافأتهم ومن حقهم يعيشوا حياة كريمة ومافيش حاجة تنقصهم ومرفوعين الرأس داخل بلادهم وخارجها”.
وختم موضحًا، “والا كلامي ما يعجبش الجماعة اللي محصلين صريرات، وعاش يا بلدي من غنى عليك موال”.
