سميرة: يا ناجي عيسى “شنو تبينا نديرو السيولة مافيش والبطاقة لا تعمل”
انتقدت وزيرة الشؤون الاجتماعية السابقة بحكومة «الإنقاذ» المنبثقة عن انقلاب فجر ليبيا، سميرة الفرجاني، أزمة السيولة والبطاقات عند شراء أي مستلزمات.
وقالت سميرة، في منشور على فيسبوك، “والله العظيم فددتونا … فددتونا ..فددتونا، تمشي لمحل بتشري حاجاتك طبعا مافيش سيولة وتبي تستعمل البطاقة، يقولك آسف وقفت البطاقة لأني مش قادر نطلع فلوسي من المصرف”.
وتابعت؛ “تمشي لمحل ثاني يقولك نستعمل في البطاقة طبعا تفرح وتأخذ حاجاتك وتجي للكاسة تبي تدفع الفلوس وأنت واثق من نفسك، يأخذ منك البطاقة ويقولك آسف البطاقة لا تعمل تعطي في رفض”.
وأردفت موجهة حديقها لمحافظ مصرف ليبيا المركزي، “بالله عليك يا ناجي عيسى شنو تبينا نديرو؟ السيولة مافيش والبطاقة لا تعمل، وأنت تصر إصرار علي التعامل الإلكتروني والمصيبة أنتم مش قده”.
وختمت موضحة؛ “نظموا منظوماتكم بعدين تعالوا افرضوها علينا أما هكي راكم فددتونا وخليتوها خل”.
