الطياري: الليبيون يحبون أن يعيشوا “المجد النظري”
زعم الإعلامي، ناظم الطياري، أن الليبيين يحبون أن يعيشوا “المجد النظري”.
وقال الطياري في منشور عبر “فيسبوك”: “علي أي حال يا سيدي اني أسف متأسف منكم غلطت لكتبته غلط احني أفضل دولة في العالم في كل شي اقتصادية في الصحة في التعليم في البنية التحتية في الخدمات في كل مناحي الحياة وفي كل شي هل الكلام هدا يرضي غرور وجهل بعض المتعصبين وهدا لتبو تسمعوه”.
وأضاف، “شن بتزايد عليا في حب ها البلاد مسقط رأس أجدادي وآبائي وبلادي لعشت وكبرت وترعرعة فيها وعشت من خيرها، اشققت قلبي من ميتمناش بلاده تكون أحسن بلاد لكن هده حقيقة كرهت حبيت كلامي هدا الوقع والحقيقة لي يعرفها أغلب الليبيين خليك مني تتفق او تختلف معاي”.
وأردف، “هل تنوير الرأي العام ومواجهة الحقيقة أصبحت خيانة أو استنقاص لبلادنا مالي ومال كلامي يشفوه في تونس ولا مصر اني صفحتي علي مشارف المليون متابع 99% من متابعيني ليبيين يعني اني نوجه في كلامي لي أبناء بلدي داخل بلدي الشعور بنقص هدا لزم نطلعوا منه ولازم نكونوا يد وحدة ونعترفوا بي وضع بلادنا ونغيروه ونوقفوا لبلادنا للأحسن تعرفوا شن عيبنا الليبيين وأنا واحد منكم لأني ليبي أيضا زيكم ولا استتني نفسي من هدا الكلام “.
وختم موضحًا؛ “احني نحبوا نعيشوا (المجد النظري) ومقتنعين بقصة المجد النظري لعيشنه لينا سنين تعرفوا امتي فعلا نحققوا مجد عملي وشي حقيقي لما نعترفوا بوضعنا ونبدأ معركة الوعي والتغير”.
