سميرة لـ«الدبيبة»: لو تعرف ربي ما كنت ضيعت حقوق الليبيين في بلادهم
هاجمت وزيرة الشؤون الاجتماعية بحكومة «الإنقاذ» المنبثقة عن انقلاب فجر ليبيا، سميرة الفرجاني، رئيس حكومة الوحدة المؤقتة، عبد الحميد الدبيبة، مؤكدة أنه لو كان يعرف الله؛ ما كان ضيع حقوق الليبيين في بلادهم.
وقالت الفرجاني، في منشور عبر «فيسبوك»: “لو قال خائف من إيطاليا ومن الأوربيين ومن الأمم المتحدة ما يخلونيش في كرسي الحكم لقلت عليك صادق، أما قصة اتخاف من ربك هذه كبيرة هلبه، لأنه لو تخاف من ربك ما كنت ضيعت ليبيا وفتحتها علي مصرعيها قدام الملايين مما ساهم في انتشار الأمراض وضياع الأموال وانتشار الدعارة والنهب والسرقة”.
وأضافت “لو تخاف الله، كنت خفته في الأمانه اللي حملهالك وهي الشعب الليبي، لكن خوفك علي كرسيك هو اللي خلاك تتفق حتي مع الصهاينه لتوطين الفلسطينين بعيد عن أرضهم حتي تبقى أرض فلسطين خالصه للصهاينه، لو تعرف ربي ما كنت ضيعت حقوق الليبين في بلادهم”.
وكان الدبيبة قد صرح بأنه يخاف عقاب الله بسبب المهاجرين غير الشرعيين.
